इटहरी । वैकल्पिक सरकार गठनका लागि राष्ट्रपति विद्यादेवी भण्डारीले दलहरुलाई दिएको समय आज साँझ ५ बजे सकिँदैछ । तर, नयाँ सरकार गठनका लागि दलहरुलाई २१ घण्टाको समय दिएर संविधान मिचेको भन्दै चौतर्फी विरोध भएको छ ।
प्रधानमन्त्रीले राजीनामा दिएमा वा अविश्वासको मतबाट पदमुक्त भएमा नयाँ सरकार गठनको प्रक्रिया सुरु हुने संवैधानिक व्यवस्था रहे पनि प्रक्रिया नै मिचेर राष्ट्रपतिले नयाँ सरकार गठनको आह्वान गरेको भन्दै विभिन्न राजनीतिक दल, संविधान र कानुनविद्, बुद्धिजीवी लगायतले विरोध गरेका हुन् ।
जनता समाजवादी पार्टीका केन्द्रीय सदस्य संजय सिंहले राष्ट्रपतिले पुनः असंवैंधानीक कदम चालेको बताए । नेता सिंहले षड्यन्त्रणपूर्ण ढंगले राजनिति अघि बढेको भन्दै त्यसलाई राष्ट्रपतिले साथ दिएको बताए । उनले असंवैधानीक कदमका बिरुद्धमा कानूनी उपचार खोजिने पनि बताए ।
