रामधुनी । बागमती प्रदेशमा रिक्त रहेको राष्ट्रिय सभा सदस्य पदको उपनिर्वाचनबाट स्वतन्त्र उम्मेदवार डा. खिमलाल देवकोटा निर्वाचित भएका छन् ।
एमालेको तर्फबाट उम्मेदवार बनेका गृहमन्त्रीसमेत रहेका रामबहादुर थापालाई ३५ मत अन्तरले हराउँदै देवकोटा निर्वाचित भएका हुन् ।
देवकोटाले १ सय ८३ मत प्राप्त गर्दा थापाले १ सय ४८ मत मात्र प्राप्त गरेका थिए । स्थानीय तहबाट खसेको २ सय ३३ मत मध्येबाट डा. देवकोटालाई १ सय २८, बादललाई १०३ र कृष्णबहादुर तामाङलाई २ मत प्राप्त भएको थियो ।
त्यस्तै प्रदेश सभा सदस्यबाट खसेको मत १०५ मत मध्ये डा। देवकोटालाई ५८ मत, बादललाई ४५ मत र तामाङलाई २ मत खसेको थियो ।
खसेको मतको अंकभार गर्दा स्थानीय तर्फबाट डा. देवकोटालाई २ हजार ३ सय ४, बादललाई १ हजार ८ सय ५४ र तामाङलाई ३६ मत प्राप्त भएको हो ।
यस्तै प्रदेश तर्फमा डा. देवकोटालाई २ हाजर ७ सय ८४, बादललाई २ हजार १ सय ६० र तामाङलाई ९६ मत रहेको हो ।
निर्वाचित देवकोटा र बादलको ३५ मतान्तर मतको अंकभार १ हजार ७४ रहेको छ । गृहमन्त्री रामबहादुर थापा एमालेको तर्फबाट उम्मेदवार बन्दा डा. देवकोटालाई नेपाली कांग्रेस, नेकपा माओवादी केन्द्र र माधव नेपाल पक्षको समर्थन रहेको थियो ।
त्यस्तै नेपाल किसान मजदुर पार्टीको तर्फबाट कृष्ण बहादुर तामाङ उम्मेदवार बनेका थिए । मतदानका लागि प्रदेश सभा सदस्य ४ जना र स्थानीय तहका ५ जना मतदाता सहभागि भएका थिएनन् ।
viagra online usa