इटहरी । इटहरीमा पुरै बस्ती बिरामी भएको गाँउमा कोरोना संक्रमण रहेको पुष्टि भएको छ । इटहरी ३ को सुनौलो टोलमा बिरामी भएकाहरुमा कोरोना संक्रमण देखिएको इटहरी उपमहानगरपालीकाकी उपमेयर लक्ष्मी गौतमले जानकारी दिइन् ।
टोल मै गएर एन्टिजिन परिक्षण गर्दा कोरोना संक्रमण देखिएको हो । समुदायमा गएर ९ जनाको एन्टिजिन बिधिबाट परिक्षण गर्दा ७ जनाको रिपोर्ट पोजेटिभ आएको उपमेयर गौतमले जानकारी दिइन् ।
गाँउमा कोरोना संक्रमण रहेको पुष्टि भए पछि आजै बाट सुनौलो टोल सिल गर्ने निर्णय समेत गरिएको छ । त्याँहा एउटै टोलका २५ जना बिरामी परेका थिए ।
७ घर का २५ जनामा ज्वरो, खोकी, पखाला लागेर बिरामी भएका र त्यसमा ९ जनामा परिक्षण गर्दा ७ जनामा संक्रमण देखिएको हो ।
