इटहरी । सुनसरीको इटहरी उपमहानगरले सर्जिकल मास्क पाँच रुपियाँ भन्दा बढिमा नबेच्न निर्देशन दिएको छ । विहिबार बिहान गरेको बजार अनुगमनका क्रममा दुई देखि तीन रुपियाँ खरिद मूल्य रहेको मास्क पाँच रुपैयाँ भन्दा बढि मूल्मा नबेच्न निर्देशन हो ।
जिल्ला प्रशासन कार्यालय,उपभोक्ता अधिकारकर्मी, प्रहरी र संचारकर्मी सहितको टोलीले अनुगमन गर्दा १० रुपियाँमा बेच्ने गरेको पाइएको छ । अनुगमनका क्रममा मास्क खरिद मूल्य भन्दा पाँच गुणा सम्म बढिमा बेच्ने गरेको पाइएको इटहरी उपमहानगर राजश्व प्रशासन शाखा प्रमुख नविन भट्टराईले जानकारी दिए ।
पाँच वटा औषधी पसलको अनुगमन गर्दा चारवटाले त सर्जिकल माक्स खरिद गरेको विल समेत देखाएनन । ९० रुपियाँ खरिद मूल्य रहेको सेनिटाइजर १ सय ६५ रुपियाँमा बेचेको पाइएको छ । राजश्व प्रशासन शाखा प्रमुख नविन भट्टराईले तत्काललाई बढि मुनाफा राखेर नबेच्न सचेत गराइएको, सर्जिकल माक्स पाँच रुपियाँ भन्दा बढिमा नबेच्न निर्देशन दिइएको बताए ।
निर्देशन पालना गराउन थप कडाइका साथ अघि बढने भटटराईले बताए । खरिद मूल्य र अधिकतम बिक्री मूल्यको अन्तर धेरै पाइएकाले अब उद्योगमै पुगेर समेत अनुगमन गरिने उनले वताए । अनुगमनका क्रममा जिल्ला प्रशासन कार्यालय सुनसरीका प्रशासकीय अधिकृत त्रिलोचन न्यौपानेले २ रुपैयाँ खरिद मूल्य परेको माक्स १० रुपियाँमा बेच्न नमिल्ने बताए ।
उनले माक्स र सेनिटाइजरमा बढि मूनाफा राखेको पाइएकाले यसलाई नियन्त्रण गर्न उपमहानगर, जिल्ला प्रशासन र राजश्व कार्यालयको बैठक बसेर तीन दिनभित्रमा रिजल्ट आउने गरि एक्सन गरिने बताए ।
आजै इटहरी उपमहानगरले हटियाँ लाइनका थोक सब्जि पसलहरुको समेत अनुगमन गरेको छ । अनुगमनका क्रममा हटिया लाइनका भाँडा पसलहरु पनि खुल्ला रहेका पाइए । अनुगमन टोली पुगेपछि हतार हतार बन्द गरेका देखिन्थे । इटहरी उपमहानगरपालिकाले निरन्तर बजार अनुगमन गरिरहेको छ ।
