इटहरी । कोरोना संक्रमणको दोस्रो लहरसँगै नेपालका बिरामीलाई उपलब्ध गराइएको औषधोपचार पद्धतिले काम नगरेको स्वास्थ्य तथा जनस्वास्थ्य मन्त्रालय स्वास्थ्य विपद् व्यवस्थापन केन्द्रले जनाएको छ ।
हाल अस्पताल पुगेका बिरामीलाई पहिलो लहरमा प्रयोग गरिएका औषधि तथा उपचार पद्धतिहरू रेमडिसिभिर, प्लाज्मा थेरापी, अक्सिजन थेरापी कुनै पनि उपायले निको पार्न नसक्ने स्थिति सिर्जना भएको स्वास्थ्य आपत्कालीन केन्द्रका संयोजक तथा मन्त्रालयका सहप्रवक्ता डा. समीरकुमार अधिकारीले बताए ।
आवागमन नियन्त्रण नगर्दा कोरोना संक्रमणको दर अचाक्ली वृद्धि भएको छ । हाल नेपालमा परीक्षण गरिएकामध्ये एक तिहाईमा भाइरस पुष्टि भइरहेको छ । दोश्रो लहरको कोरोना पहिलो भन्दा फरक रहेकाले अनिवार्य मास्क लगाउन, दुरी कायम गर्न र भीडभाड नगर्न विज्ञहरुको सुझाव दिइरहेका छन् ।
तर, त्यस्तो सर्तकता भने अपनाएको पाइदैन् । वालवालिका कोरोनाको उच्च जोखिममा छन् । वालवालिकालाई घरमै राख्न चिकित्सको सुझाव भएपनि विद्यालय संचालक भने अटेरी रुपमै कक्षा सञ्चालन गराइरहेका छन् ।
