रामधुनी । मुर्दा घाटमा मानिस जलाउने मान्छेको कथाबस्तुमा आधारित सर्ट मुभि ‘मुर्दा घाट’ को छायांकन सम्पन्न भएको छ ।
स्पाइनी बेबलर मूभिज प्रा.लि. ले आयोजना गर्न लागेको ‘स्पाइनी बेबलर अन्तर्राष्ट्रिय चलचित्र महोत्सव’ (SBIFF) २०२१ अवार्ड लागि ‘मुर्दा घाट’ को निर्माण गरिएको हो ।
भुषण गौतमको कथा रहेको ‘मुर्दा घाट’ को पटकथा/संवाद, निर्देशन, छायांकन तथा सम्पादन नेपाल चलचित्र प्राविधिक संघ प्रदेश १ का अध्यक्ष तथा नेपाल चलचित्रकर्मी महासंघ प्रदेश १ का उपाध्यक्ष प्रकाश सुब्बाको रहेको छ भने मेकअप र कला तिर्थ यक्सोले गरेका छन् ।
मानिशको लास जलाएर घरपरिवार चलाउने व्यक्तीले गरेको संघर्षको कथामा तयार परिएको सुब्बाले जानकारी दिए । नेपाली भाषामा रहेको उक्त सर्ट मुभि ५ मिनेटको रहेको छ ।
सर्ट मुभिमा निरज ब्ल्याक, मेनुका माझी र बाल कलाकार साहिल खानको मुख्य भुमिका रहेको छ ‘मुर्दा घाट’ इटहरी को बुढी खोलामा छायांकन गरिएको सुब्बाले जानकारी दिए ।
स्पाइनी बेबलर अन्तर्राष्ट्रिय चलचित्र महोत्सव’ आगामी मे १ तारिक (वैशाख १८) गते काठमाडौमा आयोजना हुदै छ ।
