इटहरी । मानव बेचबिखन नियन्त्रणका विषयवस्तुमा केन्द्रीत भएर सुनसरीको इटहरीमा संघ संस्थाहरुविच अन्तरक्रिया कार्यक्रम सम्पन्न भएको छ ।
राष्ट्रिय मानव अधिकार आयोगको आयोजनामा अधिकारका क्षेत्रमा कार्यरत संघ संस्थाहरुले मानव बेचबिखन विरुद्धको अन्तरक्रिया कार्यक्रम सम्पन्न गरेका हुन्।
कार्यक्रममा राष्ट्रिय मानव अधिकार आयोगको सामुहिक अधिकार महाशाखाका प्रमुख हरि ज्ञवाली र आयोगको प्रदेस नम्बर १ कार्यालय प्रमुख नितु गडतौलाले मानव बेचबिखन तथा नियन्त्रणका बारेमा चर्चा गरेका थिए ।
कार्यक्रममा सहभागी संघ संस्थाका प्रतिनिधिहरुले मानव बेचबिखनको हालको अवस्थालाई मुल्याङ्कन गर्दै आगामी दिनमा मानव बेचबिखनका घटनाक्रमहरु हुन नदिने तर्फ सहज हुनु पर्नेमा जोड दिए ।
सिप विकास तालिम केन्द्रमा आयोजिक कार्यक्रममा केन्द्रकी प्रमुख राधिका थापा मायाघर नेपालकी सचिव सुभद्रा प्याकुरेल लगायतको सहभागिता रहेको थियो ।
