जनकपुरधाम । प्रदेश २ का प्रदेश प्रमुख तिलक परियारलाई हटाएर राजेश झालाई नियुक्त गरिएको छ । राष्ट्रपति विद्यादेवी भण्डारीले मन्त्रिपरिषद्को सिफारिसमा प्रदेश प्रमुख परियारलाई पदमुक्त गरेको राष्ट्रपति कार्यालयले जनाएको छ ।
मन्त्रिपरिषद्कै सिफारिसमा भण्डारीले रौतहटका झालाई प्रदेश प्रमुख नियुक्त गर्नुभयो । संविधानको धारा १६५ को उपधारा(१) को खण्ड ख बमोजिम परीयारलाई पदमुक्त गरिएकोे कार्यालयले जनाएको छ ।
परियार तत्कालीन नेकपामा माओवादीका नेता थिए । वि.सं.२०६४ सालको संविधानसभा निर्वाचनमा उनी बाँकेबाट निर्वाचित भएका थिए । यस्तै संविधानको धारा १६३ को उपधारा २ बमोजिम राजेश झालाई नियुक्त गरेको पनि राष्ट्रपति कार्यालयले जानकारी दिएको छ ।
