इटहरी । सुनसरी कार्यक्षेत्र बनाएर विभिन्न सञ्चारमाध्यममा काम गर्ने सञ्चारकर्मीलाई नेपाल प्रेस युनियन सुनसरीले कोरोना बिमा गरेवापतको प्रदान गरेको छ ।
धरानमा एक कार्यक्रमको आयोजना गरी कोरोना संक्रमित भई निको भएका सुनसरीका ९ जना पत्रकारलाई बिमा वापतको रकम हस्तान्तरण गरेको हो ।
सो अवसरमा बोल्ने अधिकांशले सङ्क्रमितहरूलाई सञ्चार गृहले कुनै सहयोग नगरेको अवस्थामा प्रेस युनियन सुनसरीले गरेको कार्यको प्रशंसा गरेका छन् ।
प्रेस युनियनले सुनसरीका २ सय ६० जना सञ्चारकर्मीहरूको कोरोना बिमा गरेको थियो ।
त्यस मध्ये सुनसरीका ३० जना सञ्चारकर्मी कोरोना संक्रमित बनेका थिए । यस भन्दा अगाडि २१ जना सञ्चारकर्मीहरुले बिमा बापतको रकम पाइसकेका थिए ।
