म एउटा सपना बोकेर
हिडेको सरल मान्छे हुँ ।
अनेकौं अदृश्य जन्जीरले
कैद बन्धक मान्छे हुँ ।
त्यो सपनाको शिखरमा पुग्न
झिनामसिना अङ्कुशले
रतीभर पनि छेक्न सक्दैन
न त असत्यको रक्षक
त्यो अदृश्य जन्जीरले
म आफैमा सकृय छु ।
म सयौं बाधाहरु पन्छाउदै
एकसुरले अघि बढेको मान्छे हुँ ।
म जन्मेको रहरले हैन
आवश्यकताले सिर्जेको मान्छे हुँ
विषम परिस्थितिसँगै
हुर्कन सिकेको मान्छे हुँ ।
निमेषभरमै मेरो अस्तित्व मेट्न
अलिकति नि कसैको दुस्साहसले सक्दैन
न त कसैको गोप्य नितिपुर्ण षड्यन्त्रले
म आफैमा सचेत छु ।
म कसैले असह्य लात हाने पनि
दुःखको बेला साथ दिने मान्छे हुँ ।
म विषमताले अलमलिएको सपना
पूरा गरी सर्जकको मुहारमा
खुसी थप्न अघि बढेको मान्छे हुँ ।
अनगिन्ती कच्चा व्यबहारहरु
निपुण बनाउन प्रयासरत मान्छे हुँ ।
गन्तव्यको सिढी उक्लन
कसैको पनि कुनियतले
आलिशान बार लाउन सक्दैन
न त मेरा घनिष्ट परम दुश्मनले
म आफैमा सिर्जनशील अनि गतिशील छु
म त्यहि मान्छे हुँ ।
जो हजारौंको भिडमा
कुशल नेतृत्व गर्दै
अन्धकार हटाउदै उज्यालो ल्याउन
क्षितिजतर्फ लम्केको मान्छे हुँ ।
हो म त्यहि मान्छे हुँ ।
