विराटनगर । प्रदेश १ का स्थानीय तहहरुमा विद्युतिय आपुर्ती व्यवस्थापन सूचना प्रणाली कार्यन्वयन हुने भएको छ ।
आपुर्ती व्यवस्थापन सूचना प्रणाली कार्यान्वयनका लागि स्थानीय तहका स्वास्थ्य संयोजक र कार्यक्रम हेर्ने फोकल पर्सनलाई इएल एम आईएस संवन्धि अभिमुखीकरण शुरु भएको छ ।
सामाजिक विकास मन्त्री जीवन घिमिरेले शुक्रबारदेखी विराटनगरमा शुरु भएको अभिमुखीकरणको उद्घाटन गर्दै सूचना प्रणाली व्यवस्थित नहुँदा समस्या हुने गरेको बताए ।
तीन तहको सरकारका कारण पनि सूचना प्रणालीमा केही समस्या भएको उनले बताए । मन्त्री घिमिरेले भने,‘ कानुनगत समस्याका कारण रिपोर्टिङमा समस्या छ । रिपोर्टिङ प्रकृया झन्झटिलो भएकाले सिधै समन्वका लागि सहजीकरणको प्रवन्ध हुँदै गएको उनले बताए । संविधानको भावना र मर्म तीन तहवीच समन्वय, सहकार्य र सहजीकरणको सिद्धान्तलाई तीन तहको सरकारले आत्मासाथ नगरेको भन्दै उनले गुनासो गरेका थिए ।
शुक्रबारदेखि मोरङ, सुनसरी र झापाका तीन जिल्लामा अभिमुखीकरण शुरु भएको छ । आगामी १० दिन भित्रमा १ सय ३७ वटै स्थानीय तहमा कार्यक्रम कार्यन्वयनका लागि अभिमुखीकरण गरिसकिने प्रदेश स्वास्थ्य निर्देशनालयका निमित्त प्रमुख डा. सुरेश महेताले बताए । युएस एड जिएचएससी पिएसएम परियोजनाको आर्थिक तथा प्राविधिक सहयोगमा शुरु अभिमुखीकरण पछि आपुर्ती व्यवस्थापनमा सहज हुने डा. मेहताले बताए ।
