लोकेश्वर बुंगद्यः ९रातो मच्छिन्द्रनाथ० र रथयात्रा आइतबार औपचारिकतामा समापन गरिरहँदा पक्राउ परेकाहरुको रिहाइका लागि विभिन्न स्थानमा प्रदर्शन गरिएको छ ।
गत भदौ १८ गते बिहीबार स्थानीयले आफूखुसी तानेर पु¥याइएको स्थानदेखि २० मिटर तानेर आइतबार पुल्चोकको मण्डः पाटीमा पु¥याइएको छ । रथयात्रा भइरहँदा नागबहाल, चल्खु, जावलाखेलमा पक्राउ परेकाहरुलाई रिहाइ गर्न मानिसहरु दबाब दिन भेला भएका थिए । रथयात्रासँगैै देशको सबैभन्दा लामो रथयात्रा यो वर्ष औपचारिकता निर्वाह गरेर सम्पन्न भएको छ । कोरोना संक्रमणका कारण वैशाखमा नै हुनुपर्ने रथयात्रा रोकिएको थियो।
बिहीबार पुल्चोकमा रहेको रातो मच्छिन्द्रनाथको रथ तानेर करिब डेढ सय मिटर टाढा पु¥याउँदा रथ तान्न पुगेका स्थानीय र प्रहरीबीच झडप भएको थियो । त्यसयता रथ सडकको बीचबाटैमा थियो । त्यसपछि सरोकारवाला निकाय र गुठी खलहरुको संयुक्त बैठकले रातो मच्छिन्द्रनाथको रथयात्रालाई औपचारिकता मात्र दिने निर्णय गरिएको थियो।
रथयात्राका क्रममा निश्चित गरिएका व्यक्तिबाहेक अन्यलाई प्रवेश दिइएको थिएन । भाद्र २६ गते रातो मच्छिन्द्रनाथलाई खटमा राखेर बुंगमती फिर्ता लाने साइत निस्कने बताइएको छ । पुल्चोक घटनामा संलग्नलाई प्रहरीले सार्वजनिक मुद्दा लगाउने तयारी गर्दै छ । प्रहरीले रातो मच्छिन्द्रनाथ रथ तान्नेक्रममा भएको झडपको सिलसिलामा १६ जना पक्राउ परेका छन् ।
प्रहरीका अनुसार सार्वजनिक मुद्दाअन्तर्गत सात दिनको म्याद थप गरी अनुसन्धान भइरहेको छ ।पक्राउ पर्नेहरुमा ललितपुर महानपा–११ का पृथविन्दु महर्जन, अनिल खड्गी, १६ नम्बर गाःबहालका महेश वज्राचार्य, रवीन शाक्य, २१ नम्बरका असोजकुमार महर्जन, ६ नम्बरका रवि शाक्य, ७ नम्बरका रत्नलाल श्रेष्ठ र २० नम्बरका नरेश शाक्य छन् ।
महालक्ष्मी नगरपालिका–१ इमाडोलका सुविन शाक्य, ध्रुवराज वज्राचार्य र अनिस महर्जन, भक्तपुरका श्याम था, निरज वादे र काठमाडांैका यादवलाल कायस्थ रहनुभएको छ ।
पक्राउ परेकाहरुलाई निःसर्त रिहा गर्न मच्छिन्द्रनाथका पुजारीहरुको संगठन ३२ पानेजु संघ, ज्योतिषि, बाराही, य‘वाल, धकुलगायत १९ जातिय खलःले सामूहिकरुपमा माग गरेका छन् । उनीहरुले विज्ञप्ति नै जारी गरी भाद्र १८ गते अप्रत्यासितरुपमा तानिएको रथयात्राको घटनाको क्रममा पक्राउ गरिएकालाई विनासर्त अविलम्ब रिहाइ गरी मच्छिन्द्रनाथको रथ यात्रा सुुव्यवस्थित गर्न अपिल गरेका छन् ।
उनीहरुले ललितपुर जिल्ला प्रशासन कार्यालय, महानगरीय प्रहरी परिसर जावलाखेलमा आइतबार यसबारेमा ध्यानार्कषण पनि गरेका छन् ।
यसैबीच आइबार पूर्वप्रतिबद्धताअनुसार प्रहरी प्रशासनले हिरासतमा राखिएकालाई रिहाइ नगरिए आज सोमबार जिल्ला प्रशासन कार्यालय घेराउन गर्ने कार्यक्रम तय गरेका छन् ।
आजको नेपाल समाचार पत्रमा सुनील महर्जनले लेखेका छन् ।
