काठमाडौं । सत्तारुढ दल नेकपाका दुई अध्यक्ष केपी शर्मा ओली र पुष्पकमल दाहालबीच आज पनि छलफल हुँदै छ ।
पार्टी विवाद समाधानका लागि गठित कार्यदलले बुझाएको प्रतिवेदनउपर छलफल गर्न दुई अध्यक्षबीच छलफल हुन लागेको श्रोतले जनाएको छ ।
यसअघि सोमबारका लागि हुने भनिएको छलफल दुवै अध्यक्षले प्रतिवेदन अध्ययन गर्न भन्दै स्थगित गरेका थिए । आजको भेटबार्ताको समय भने तय गरिएको छैन ।
३० साउनमा दुवै अध्यक्षले महासचिव विष्णु पौडेलको संयोजकत्वमा कार्यदल गठन गरेका थिए । कार्यदलले विभिन्न सुझावहरुसहित प्रतिवेदन बुझाएको थियो ।
