रामधुनी । कृषककालागी आएको क्षतिपूर्ति रकममा अनियमितता गरेको आरोप लागेकी सुनसरीको रामधुनी ७ भुल्के कृषक समूहकी अध्यक्ष सोमकुमारी सुनुवार राइले आफूमाथिको आरोप निराधार रहेको बताएकी छिन् ।
गत वर्षको चैत्र महिना नगरपालिकाले कृषककालागी ५० प्रतिशत अनुदानमा उपलब्ध गराएको बर्खे धानको बिउ नउम्रिएपछि कृषकहरूले विरोध जनाएका थिए । नगरपालिकाले सो कृषि समुहलाई ५०५ केजी धानको बिउ उपलब्ध गराएको थियो ।
सुनुवारले पत्रकार सम्मेलन आयोजना गरेर आफूमाथि राजनितिक प्रतिसोध साँधेर आरोप लगाएको बताइन् । उनले आफूमाथि चरित्र हत्या गरेको उल्टो आरोप लगाएकि छिन् । कृषकका लागी आएको रकम पहिलो चरणमा कृषकले लगानी गरेको र बाँकी रकम समुहको बैठक बसेर उपलब्ध गराउने भन्दाभन्दै पनि आफूमाथि आरोप प्रत्यारोपको खेल सुरु गरेको बताइन् ।
नगरपालिकाले क्षतिपूर्ति बापत भुल्के कृषक समूहलाई उपलब्ध गराएको रकममा अनियमितता गरेको भन्दै स्थानीय कृषकहरू विरोधमा उत्रिएका थिए । धानको बिउ वापतको क्षतिपूर्ति पनि आफूले बितरण गरेको उल्लेख गरिन् । उनले कृसकका समस्यमा राजनीतिकरण नगर्न पनि अनुरोध गरेकि छिन् ।
यता स्थानीय कृषक बाल कुमार सुब्बाले स्थानिय कृषकहरुलाई स्थानिय नेताहरुले भड्काउने काम गरेको बताए । नगरपालिकाले उपलब्ध गराएको रकमको विषयमा कृषक समुकी अध्यक्ष सँग गएर सोध्ने काम गर्नुको सटामा अरुको कुरा सुनेर कृषकहरु विरोधमा उत्रिनेकाम गलत भएको बताए ।
यता स्थानिय कृषक कमला राईले नगरपालिकाले उपलब्ध गराएको रकम पाएको बताईन् । अध्यक्ष विरामी भएको समयमा स्थानिय किरन राइलाई कृषकको लागी आएको रकम वितररण गर्न लगाएको बताइन् ।
