इटहरि । बिराटनगरका एक युवकको जन्मदिनको दिन नै गोलि हानि हत्या भएको छ । इटहरी–धरान सडकखण्डस्थित कोसी राजमार्गमा पर्ने चारकोसे जंगलको सेउती पुलमा गोली हानेर एक युवकको जन्मदिनको दिन नै हत्या भएपछि परिवारसहित गाउँ नै शोकाकुल भएको छ ।
जन्मदिनको दिन साथीसँग घुम्न गएका विराटनगर ५ का २८ वर्षीय रोहित चौधरीको गोली हानेर हत्या भएको थियो ।
जन्मदिनको दिन करिब साढे ११ बजे प्रेमिकासँग घुम्न भनेर निस्किएका चौधरीको फर्किएपछि जन्मदिन मनाउने भनेर परिवारका सदस्यलाई तयारी सुरु गर्न लगाइ घुम्न गएका थिए ।
धनकुटाको मुलघाट पुगेर फर्कदै गर्दा सेउती खोला पुलको दक्षिणपट्टी पानि खान भनि मोटरसाइकल रोकेको अवस्थामा उनको गोली हानी हत्या गरिएको हो ।
जिल्ला प्रहरी कार्यालय सुनसरीका प्रहरी प्रमुख, एसपी प्रभुप्रसाद ढकालले शुक्रबार साँझ साढे ५ बजेतिर घटना भएको जानकारि दिएका छन् ।
तीनजनाको समूहमा आएका युवाहरूमध्ये एकजनाले गोली प्रहार गरेको र उनीहरू तत्काल फरार रहेकाले खोजी कार्य भइरहेको प्रहरि प्रमुखले जानकारि दिएका छन् ।
