इटहरी । Vianet Communications ले इटहरीमा अत्याधुनिक वाइफाइ ६ इन्टरनेट सेवा औपचारिक रूपमा सार्वजनिक गरेको छ। नयाँ प्रविधिमा आधारित यस सेवाले बारम्बार हुने बफरिङ, कमजोर सिग्नल तथा कनेक्टिभिटी समस्यालाई न्यूनीकरण गर्दै ग्राहकलाई द्रुत, स्थिर र भरपर्दो इन्टरनेट अनुभव प्रदान गर्ने लक्ष्य लिएको कम्पनीले जनाएको छ।
वाइफाइ ६ प्रविधि पुरानो प्रणालीको तुलनामा चार गुणा बढी क्षमता, कम लेटेन्सी तथा एकैपटक धेरै उपकरण सञ्चालन हुँदा पनि मजबुत कनेक्सन सुनिश्चित गर्ने विशेषता बोकेको छ। यसले भिडियो स्ट्रिमिङ, अनलाइन गेमिङ, भिडियो कन्फरेन्सिङ तथा वर्क फ्रम होम (डब्लुएफएच) जस्ता गतिविधिलाई अझ सहज बनाउने अपेक्षा गरिएको छ।
कम्पनीले २५० एमबिपिएस देखि ६०० एमबिपिएस सम्मका वाइफाइ ६ प्याकेज बजारमा उपलब्ध गराएको छ। २५० एमबिपिएस वार्षिक योजना रु १३,८०० (भ्याट सहित) मा उपलब्ध रहेको छ, जसमा पहिलो महिनाको सेवा निःशुल्क प्रदान गरिने व्यवस्था गरिएको छ।
घरभर समान र बलियो इन्टरनेट कभरेज सुनिश्चित गर्न वाइफाइ ६ मेश राउटर पनि उपलब्ध रहेको छ, जसको मूल्य रु ३,५०० (भ्याट सहित) तोकिएको छ। साथै, पुराना ग्राहकहरूले मात्र रु ५०० शुल्क तिरेर आफ्नो पुरानो राउटरलाई वाइफाइ ६ ओएनयू मा अपग्रेड गर्न सक्ने सुविधा पनि ल्याइएको छ।
थप जानकारीका लागि इटहरीस्थित शाखामा सम्पर्क गर्न कम्पनीले आग्रह गरेको छ। सम्पर्क नम्बर: ९८०१९७०९८२ ।
