काठमाडौं । दशैँमा प्रदर्शन हुने फिल्म ‘हरिबहादुरको जुत्ता’ को पहिलो झलक पोस्टर सार्वजनिक गरिएको छ। पोस्टरमा अभिनेता हरिवंश आचार्यलाई ढोका बाकससहितको जुत्तामा एकल रुपमा देखाइएको छ।
मह सञ्चारका चर्चित पात्र हरिबहादुरको भूमिकामा हरिवंश देखिँदैछन्। फिल्ममा स्वस्तिमा खड्का, प्रकाश सपुत, प्रियंका कार्की, हरिहर शर्मा, दिव्यदेव, किरण केसी, राजाराम पौडेललगायत कलाकारको अभिनय रहेको छ।
दीपेन्द्र के। खनाल निर्देशित यो फिल्म असोज १३ गते दशैँको मुखमा प्रदर्शनमा आउनेछ। फिल्म एसएम मोसन पिक्चर्सको ब्यानरमा निर्माण भएको हो, निर्माता सरोज ओली र मोहितवंश आचार्य हुन्।
