कोशी प्रदेशका १४ जिल्लामै डेङ्गुको संक्रमण फैलिएको स्वास्थ्य निर्देशानालय धनकुटाले जनाएको छ।
निर्देशानालयकी जनस्वास्थ्य अधिकृत सुरक्षा खत्रीका अनुसार कोशीमा तीन हजार १८१ जना डेङ्गु संक्रमित रहेका छन्। जसमा तीन जनाको मृत्यु भएको छ ।पहाडी जिल्लामा डेङ्गु संक्रमित अत्यन्त न्यून रहे पनि तराईका चार जिल्लामा बढी रहेको निर्देशानालको तथ्यांकले देखाएको छ।
हालसम्म मोरङमा ९१३, झापा ८९७, सुनसरी ३७७, उदयपुरमा २७५, भोजपुर २२६, धनकुट्टा १४३, ओखलढुङ्गा १२१, पाँचथर ७०, खोटाङ १०, ताप्लेजुङ दुई, इलाम पाँच, सोलुखुम्बु ६ र तेह्रथुम दुई जनामा डेङ्गुको संक्रमण देखिएको छ।
विगत ५० वर्षको अवधिमा विश्वमा डेङ्गुको संक्रमण ३० गुणाले बढेको पाइएको छ।
