इटहरी । अभिनेता द्वय दयाहाङ राई र प्रकाश सपूतले पहिलो पटक सहकार्य गरेको फिल्म ‘मिरमिरे’को छायांकन सुरु भएको छ ।
एक हप्ता वर्कसपमा रहेको निर्माण टिमले शनिबार पनौती ११ बल्थलीस्थित लड्केश्वर आधारभूत विद्यालयमा क्यामेरा पूजा गर्दै छायांकन सुरु गरेको हो । ३५ दिनको सेड्युलमा फिल्मको सम्पूर्ण छायांकन काभ्रेका विभिन्न स्थानमा हुने निर्माण टिमले जनाएको छ ।
यम शेर्पाको निर्देशनमा बन्न लागेको फिल्ममा दयाहाङ र प्रकाशसँगै सिर्जना निङलेखु, माओत्से गुरुङ, छुल्ठिम गुरुङ, भोलाराज सापकोटा लगायतको अभिनय रहनेछ भने बाल(कलाकारमा शाइसा गौचन, दिविशा पन्त, चिराग श्रेष्ठ र नमनराज गजुरेल रहेका छन् । यार्सा फिल्म्सको प्रस्तुति रहने फिल्मको कथा निर्देशक शेर्पा स्वयंको हो ।
फिल्मको छायाँकारमा आलोक शुक्ला रहेका छन् । निमु शेर्पा, छोङ्बा लामा शेर्पा र आङ्छिरिङ शेर्पा निर्माता रहेको फिल्मको सह–निर्मातामा गोविन्द बोहरा, सुदिप कुँवर र ईश्वर श्रेष्ठ तथा कार्यकारी निर्मातामा वितरक कम्पनी आरआर फिल्म्सका सञ्चालक रोहित कट्टेल छन् । ‘मिरमिरे’ यसै वर्ष प्रदर्शनमा आउनेछ । फिल्म प्रदर्शन मिति भने तय गरिएको छैन ।
