इटहरी । अखिल नेपाल स्वतन्त्र विद्यार्थी युनियन (क्रान्तिकारी) रामधुनी नगर कमिटीको प्रथम भेला सम्पन्न भएको छ। शनिबार झुम्कामा भएको भेलाले सर्वसम्मत उज्वल निरौलाको अध्यक्षतामा १३ सदस्यीय नयाँ नगर कार्यसमिति गठन गरेको हो।
नवगठित नगर कमिटीमा हिमाल चौधरी उपाध्यक्ष, विनोद भट्टराई सचिव, विवेक नेपाली सह–सचिव तथा करुणा मेहता कोषाध्यक्ष चयन भएका छन्। समितिका अन्य सदस्यहरूमा आर्यन साह, सन्तोषी चौधरी, प्रियान्सी साह, सजिना चौधरी, रोशन निरौला, विक्रम कार्की, त्रिशला चौधरी र दिपीका चौधरी रहेका छन्।
कार्यक्रममा नेकपा (माओवादी केन्द्र) की केन्द्रीय सदस्य रामकुमारी चौधरीले नवगठित समितिलाई बधाई दिँदै विद्यार्थीहरू परिवर्तनको अग्रपंक्तिमा रहने भएकाले अध्ययन, विचार र आन्दोलनलाई सन्तुलनमा राख्नुपर्ने आवश्यकता औंल्याइन्। उनले भनिन्, “आजको युगमा संगठन मात्र होइन, विचार निर्माणमा पनि विद्यार्थीहरू अगाडि आउनुपर्छ। वैज्ञानिक सोच, जनमुखी शिक्षा र सामाजिक न्यायका पक्षमा आवाज उठाउँदै वैचारिक स्पष्टता ल्याउनु अहिलेको आवश्यकता हो।”
भेलामा माओवादी कोशी प्रदेश कमिटी सचिवालय सदस्य तथा पूर्व संविधानसभा सदस्य सन्तोष थारु, प्रदेश कमिटी सदस्य तथा रामधुनी इन्चार्ज दिनेश चौधरी, रामधुनी नगर कमिटी अध्यक्ष बलराम चौलागाई लगायत नेताहरूको उपस्थिति थियो।
