इटहरी । किसान कल्याण बचत तथा ऋण सहकारी संस्था लि. ले मातातीर्थ औँशीको अवसरमा समाजमा माताहरूको योगदानलाई सम्मान गर्दै सम्मान गरेको छ । । संस्थाको वार्षिक कार्यक्रमअनुसार यस वर्ष पनि ज्येष्ठ माता सम्मान कार्यक्रम आयोजना गर्दै संस्थाले ८५ जना माताहरुलाई सम्मान गरेको हो ।
कार्यक्रममा सदस्य तथा सदस्यका एकाघर परिवारका ७० वर्ष उमेर नाघेका आमा, हजुरआमा, सासुआमा तथा हजुरआमासासुहरूलाई सम्मान गरिएको हो। संस्थाको इटहरी–१६ स्थित कार्यालयमा ६० जना र वाङ्गे सेवाकेन्द्रमा २५ जना गरी दुई छुट्टाछुट्टै स्थानमा कार्यक्रम सम्पन्न गरेको छ ।
कार्यक्रम संस्थाका अध्यक्ष शालिकराम ढकालको अध्यक्षता, इटहरी उपमहानगरपालिकाकी उपमेयर संगिताकुमारी चौधरी प्रमुख आथित्यतातथा जिल्ला सहकारी संघ सुनसरीका अध्यक्ष श्री गंगाप्रसाद दाहाल विशिष्ट अतित्यतामा भएको कार्यक्रममा संस्थाका सल्लाहकार प्रमुख, अन्य सल्लाहकारहरू, सञ्चालक तथा विभिन्न उपसमितिका सदस्यहरूको उल्लेखनीय उपस्थिति रहेको थियो।
माताहरूको सम्मानसँगै सामाजिक सद्भाव र पारिवारिक मूल्य प्रवर्द्धन गर्ने उद्देश्यले संस्थाले यस प्रकारका कार्यक्रमहरु गर्दै आएको संस्थाका कार्यकारी अधिकृत पुष्कार बस्नेतले बताए ।
