राप्रपाका सांसद दीपक बोहराको निधन भएको छ ।
सो पार्टीका वरिष्ठ नेता एवं पूर्वमन्त्री बोहराको उपचारको क्रममा काठमाडौंको ओम अस्पतालमा निधन भएको हो ।
उनी रुपन्देही क्षेत्र नम्बर(३ बाट निर्वाचित सांसद हुन् ।
पोस्ट कोभिडका कारण उनको घाँटीमा क्यान्सर भएको थियो । उनी चुनावको बेलामा पनि बोल्न नसक्ने अवस्थामा थिए ।
उनले आफ्ना कुरा राप्रपाकै अन्य सांसदमार्फत सुनाउने गरेका थिए ।
