खोटाङ । जन्तेढुङ्गा गाउँपालिका खोटाङका जिन्सी शाखा प्रमुख पवन पोखरेलले आफ्नो जन्मदिन फरक ढङ्गले मनाएका छन् । मङ्गलवार गाउँपालिका वडा ५ मा रहेको जनज्योति आधारभूत विद्यालयका विद्यार्थीलाई शैक्षिक सामाग्री वितरण गरेर आफ्नो जन्मदिन मनाएका हुन ।
सि-अहेब समेत रहेका उनले विद्यालयका ५२ जना विद्यार्थीलाई झोला, कपी, कलमका साथै प्राथमिक स्वास्थ्य केन्द्र चिसापानीमा आएका बिरामीलाई चिया बिस्कुट समेत वितरण गरेर आफूले जन्मदिन मनाएको बताए ।
शैक्षिक सामाग्री हस्तान्तरण कार्यक्रममा गाउँपालिकाका अध्यक्ष, अरुणा राई, उपाध्यक्ष खेम खड्का, वडा अध्यक्ष धन बहादुर राई लगायत स्थानीयको उपस्थिति रहेको थियो । जन्मदिनमा आधुनिकता झल्काएर फजुल खर्च गर्नुको साटो शैक्षिक सामाग्री वितरण गर्नु उदाहरणीय कार्य भएको स्थानीय योगेश कटुवाल बताउछ्न् । जसले गर्दा बालबालिका खुसी भएका छन् ।
