विराटनगर । कोशी प्रदेशका मुख्यमन्त्री केदार कार्कीले पहुँचको आधारमा विकास छनौट गर्ने परम्पराको क्रमभंगता कोशी प्रदेशले गरेको बताएका छन् । विराटनगरमा प्रदेश योजना आयोगले आयोजना गरेको दोस्रो आवधिक योजनाका बारेमा भएको अवधारणाका बारेमा छलफल कार्यक्रममा मुख्यमन्त्री कार्कीले आवधिक योजना घरघरको विकासमा केन्द्रित हुनुपर्नेमा जोड दिएका हुन् ।
मुख्यमन्त्री कार्कीले भौतिक विकास भन्दा मानवीय विकासमा केन्द्रित भएर योजना बनाउन जोड दिए । ‘हामीले गरिब जनताको पक्षमा रहेर काम गर्नुपर्ने अवस्था रहेको छ । प्रदेशको गरिबी हटाउने, महिलाको जनसङ्ख्या बढी भए पनि साक्षरता कम भएकाले त्यसलाई बढाऔँ । उनले भने, गगन चुम्ने भवनहरूले मात्र विकास हुँदैन भन्ने कुरा बुझ्न जरुरी छ ।’
कार्यक्रममा सहभागीहरूले प्रदेशको दिगो विकासका लागि केन्द्रित भएर योजना बनाउन सुझाव दिएका छन् । अवधारणा पत्र बारे गण्डकी प्रदेश योजना आयोग पूर्व उपाध्यक्ष डा.रघुराज काफ्लेले प्रस्तुति गरेका थिए ।
