रामधुनी । सुनसरीको रामधुनी नगरपालिका १ झुम्कामा गत शुक्रवार बाट सञ्चालनमा आएको साई अस्पताल प्रालिले अङ्गदान र रक्तदान सम्बन्धी कार्यक्रमको आयोजना गरेको छ ।
आइतबार आयोजित अंगदान सम्बन्धी कार्यशालामा मृत्यु पछि जो कोहीले अंगदान गर्न सक्ने कुरालाई जोड दिइयो । मानिसको मस्तिक्स मृत्यु पछि अर्को कुनै बिरामीले आफ्नो जीवन पाउन सक्ने कुरामा जोड दिँदै अंगदानको अभियानलाई जोड दिनुपर्नेमा जोड दिइएको छ ।
कार्यशालामा रामधुनीमा रहेका विद्यालयहरूका शिक्षक लगायत विभिन्न सङ्घ संस्थाका प्रतिनिधिको सहभागिता रहेको थियो । विद्यालयका माध्यमबाट नै अंगदानसम्बन्धि शिक्षा जनस्तरमा पु¥याउनका लागि शिक्षकहरूको भूमिका महत्त्वपूर्ण हुने साई अस्पतालका प्रबन्ध निर्देशक दुर्गा फुयालले बताए । सो अवसरमा अस्पतालका जन सम्र्पक अधिकृत डिल्लीराम भण्डारीले मृत्यु परान्त आफ्नो अङ्ग दान गर्ने घोषणा गरेका छन् । कार्यशालाको सहजीकरण सहिद धर्मभक्त राष्ट्रिय प्रत्यारोपण केन्द्रकी नर्सिङ अधिकृत पूजा कोइरालाले गरेकी थिइन् ।
यसै गरी अस्पतालले आफ्नो उद्घाटन सप्ताह अन्तरगत नै सोमबार रक्तदान कार्यक्रमको आयोजना गरेको छ । रामधुनीमा सक्रिय रहेका लियो, लायन्स तथा जेसिस संस्थाहरुसंगको सहकार्य र रेडक्रस सँगको समन्वयमा सञ्चालित कार्यक्रम ३० पिन्ट रगत सङ्कलन भएको अस्पतालले जनाएको छ ।
