इटहरीमा लागूऔषधसहित दुईजनालाई प्रहरीले पक्राउ गरेको छ ।
इटहरी उपमहानगरपालिका बडा नं.४ मा रहेको एक चिया पसलबाट लागूऔषध ब्राउनसुगरको किनबेच भइरहेको भन्ने विशेष सूचनाका आधारमा इलाका प्रहरी कार्यालय इटहरीबाट खटिएको प्रहरी टोलीले दुईजनालाई पक्राउ गरेको हो ।
पक्राउ पर्नेमा इटहरी ९ का २३ वर्षीय विनोद श्रेष्ठ र सुन्दरहरैँचा नगरपालिका ६ मोरङका ३२ वर्षीय लक्ष्मीप्रसाद ढकाल रहेका छन् । उनीहरूलाई ८ ग्राम लागूऔषध ब्राउनसुगरसहित प्रहरीले पक्राउ गरेको हो ।
लागूऔषधसहित पक्राउ परेका दुवैजनाको जिल्ला अदालत सुनसरीबाट म्याद थप गरी आवश्यक अनुसन्धान भइरहेको इटहरी प्रहरीले जनाएको छ ।
