इटहरी । रामधुनी नगर प्यावसनको आयोजनामा स्पोर्टस मिट अन्तर्गतको भलिवल प्रतियोगिता मंगलबारबाट सुरु भएको छ ।
रामधुनी नगरक्षेत्रमा रहेका ३२ वटा प्यावसनमा संलग्न विद्यालयका बिच संचालन भएको खेलको उद्घाटन रामधुनी ७ स्थित पन्चायन विद्यामन्दिरको प्राङगणमा प्रमुख अतिथी वडाध्यक्ष केशव गौतमले खेल अफिसियललाई वल हस्तान्तरण गर्दैै गरेका थिए ।
उद्घाटन खेलमा नमुना सामुदायिक विद्यालयको टिमलाई माउन्ट समिट वर्ल स्कुलले सोझो सेटमा जितेको थियो भने मंंगलबारै भएको अर्को खेलमा नवकिरण इग्लिस बोर्डिङ्ग स्कुलले पंचायन विद्या मन्दिरको टिममाथी जित हासिल गरेको छ भने मंगलबारै भएको अर्को खेलमा युनिक सगरमाथा बिजेता घोषित भएको छ ।
प्रतिस्पर्धी नआउँदा युनिक सगरमाथाले जित हासिल गरेको हो । आइतबारबाट शुरु भएको प्यावसनको स्पोर्टस मिट अन्तरगतको खेलको फाइनल खेल फागुन १४ गते हुने भएको छ । स्पोर्टस मिट अन्तर्गतको फुटवल खेल रामधुनी ३ स्थित प्रिपाहा खेल मैदानमा सन्चालन भइरहेको छ ।
