इटहरी । इटहरीमा रहेर लामो समयदेखि सामाजिक, शैक्षिक तथा साहित्यिक क्षेत्रमा विशेष योगदान पुर्याउने व्यक्तित्व लेखनाथ घिमिरेलाई आगामी माघ २७ गते भव्य नागरिक अभिनन्दन गरिने भएको छ ।
अभिनन्दनलाई थप प्रभावकारी बनाउन बुधवार प्रचारप्रसार उपसमितिहरू बिस्तार गरिएको छ । इटहरीमा रहेका कृियाशिल सञ्चारकर्मीहरूलाई समेटेर बनाइएको समितिका सदस्यहरूमा अनलाइन, टेलिभिजन, छापा र रेडियोमा आबद्ध सञ्चारकर्मीहरू रहेका छन् ।
यसको संयोजक भने नेपाल पत्रकार महासङ्घ केन्द्रीय सदस्य अमर खडका रहेका छन् । बुधवार एक कार्यक्रम गर्दै प्रचारप्रसार उपसमितिमा रहेका सञ्चारकर्मीहरूलाई मनोनयन पत्र प्रदान गरिएको थियो ।
शिक्षा सेवी घिमिरेलाई नागरिक अभिनन्दन गर्नका लागि वरिष्ठ कवि अनिल पौडेलको संयोजकत्वमा लेखनाथ घिमिरे अभिनन्दन समिति बनाएको छ ।
