रामधुनी । एएफसी १७ वर्षमुनीको एसियन कप छनोटको पहिलो खेलमा नेपाल आज थाइल्याण्डसँग भिड्दै छ ।
भियतनामको फु थो मैदानमा खेल नेपाली समय अनुसार दिउँसो पौने तीन बजे खेल सुरु हुनेछ ।
नेपाली टोलीका मुख्य प्रशिक्षक उर्जन श्रेष्ठले थाइल्याण्डसँग जितकै लागि खेल्ने बताएका छन् । छनोटका लागि नेपाली टोली सोमवार भियतनाम पुगेको थियो ।
छनोटमा नेपाल समूह एफमा रहेको छ । यो समूहमा नेपालसँगै थाइल्याण्ड, भियतनाम र चाइनिज ताइपेई रहेका छन् । नेपालले शुक्रवार आयोजक भियतनाम र आइतवार चाइनिज ताइपेईसँग खेल्ने भएको छ ।
