रामधुनी । नेपाली कांग्रेस रामधुनीका मेयरका उम्मेदवार सुदिप अधिकारीले थारुप्रति अथाहा प्रेम रहेको बताएका छन् । बिहिबार घरदैलो कार्यक्रममा अधिकारीले थारुहरुको जुठो खाएर हुर्केको भएकाले आफु उनीहरु संग प्रेममा रहेको बताएका हुन् ।
रामधुनीमा थारुहरु सामाजीक तथा आर्थीक अवसरबाट बञ्चीत भएकाले अब आफु थारुहरुको मुद्धामा केन्द्रीत हुने अधिकारीले बताए । थारुको कोहबर र ग्राथानको संरक्षणमा आफ्नो पहिलो प्राथमिकता भएको भन्दै उनले थारु परिकार र संस्कृतीलाई आम्दानी संग जोड्ने प्रतिवद्धता व्यक्त गरे ।
रामधुनीको विकाशमा आफु पहिल्यै देखी गम्भीर भएको बताउँदै अघिल्लो नेतृत्वले गरेका राम्रा कामलाई निरन्तरता दिने बताए । उपमेयर आशा चौधरी र ९ वटै वडाका वडाध्यक्षका उमेद्धवारहरु सहित उनी घरदैलो अभियानमा रेहेका छन् ।
घरदैलो अभियानको क्रममा देखिएका समस्याहरुलाइ टिपोर्ट गरि सुरुमा अध्यन गर्ने र निर्वाचन पश्चात सोहि विषयमा समस्या सामधान गर्ने गरि योजना बनाएर काम गर्ने बताए ।
रामधुनीको समग्र विकाश र समृद्ध नागरिक लगायतका विषयहरुलाई मुख्य चुनावी एजेण्डा बनाएर शिक्षा, स्वास्थ्य र कृषीलाई मुद्धा बनाएर काँग्रेस चुनावी अभियानमा रहेको छ ।
