बेलका । उदयपुर जिल्लाको बेलका नगरपालिका ३ बुद्धचोकमा भएको बालिका हत्याका आरोपीलाई प्रहरीले पक्राउ गरि सार्वजनिक गरेको छ ।
पक्राउ पर्नेहरुमा भारतको सिक्किम राज्य बियुङ स्थायी घर भई उदयपुर जिल्ला बेलका ३ बस्ने बिनोद ढकाल र बेलका ३ की १७ वर्षिय नाबालिका रहेका छन् ।
कोशी जनता माध्यमिक विद्यालयमा कक्षा १० मा अध्ययनरत १६ वर्षिय कविता सुनुवारको हत्यामा संलग्न भएको आरोपमा उनिहरुलाई पक्राउ गरि सार्वजनिक गरिएको जिल्ला प्रहरी कार्यालय उदयपुरले जनाएको छ । प्रहरीले बालिकाको हत्या भएको सूचना पाएको दुई घण्टा भित्र हत्यामा संलग्नहरुलाई पक्राउ गरेको जनाएको छ ।
सार्वजनिक गरिएका आरोपी ढकाललाई ७ दिन र नाबालिकालाई उदयपुर जिल्ला अदालतबाट ५ दिनको म्याद लिएर थप अनुसन्धान सुरु गरेको जिल्ला प्रहरी प्रमुख प्रहरी उपरिक्षक शुवासचन्द्र बोहोराले जानकारी दिए।
सुनुवारलाई ढकाल र नाबालिकाले योजनाबद्ध ढंगले बियरको बोतल र ढुंङ्गाले किचेर हत्या गरेको खुल्न आएको छ । विद्यालयमा भएको समान्य झगडाको रिसिईवीको कारणले आरोपी नाबालिकाले नाताले दाजु पर्ने ढकालको सहयोग लिएर हत्या गरेको प्रहरीले जनाएको छ ।
