काठमाडौं । दाङको लमही नगरपालिका–३ बनगाउँमा हिजो राति ९ बजे कारले मोटरसाइकललाई ठक्कर दिँदा मोटरसाइकल चालकको मृत्यु भएको छ ।
भालुवाङबाट लमहीतर्फ जाँदै गरेको बा १० च २५८१ नम्बरको कारले बिपरित दिशाबाट आउँदै गरेको रा ६ प ६८४९ नम्बरको मोटरसाइकललाई ठक्कर दिँदा दाङकै राप्ती गाउँपालिका १ भालुवाङका २५ वर्षीय नरेन्द्र जिसीको मृत्यु भएको छ ।
दुर्घटनामा गम्भीर घाइते भएका उनको उपचारका क्रममा लमही स्थित लमही अस्पतालमा मृत्यु भएको प्रहरीले जानकारी दिएको छ । कार चालक फरार भएकोले खोजी कार्य भइरहेको वडा प्रहरी कार्यालय लमहीले बताएको छ ।
