मोरङ्ग । उर्लाबारीबाट नेकपा एमालेका स्थानीय नेता कृष्ण प्रधानसहित ७ जना जुवाडे पक्राउ परेका छन् ।
पक्राउ पर्नेमा उर्लाबारी ५ का कमल शाक्य, उर्लाबारीका १ कृष्ण अधिकारी, झुम्का रामधुनीका लक्ष्मी बाँस्तोला, झापा दमकका सूर्य प्रसाईं, उर्लाबारीका गोबिन्द केसी र शिव लिम्बू रहेका छन् ।
उनीहरुले बाहिर प्रहरी आउने आशङ्का गर्दै सिसीटिभी जडान गरेर जुवा खेलेको प्रहरीले जनाएको छ । प्रहरीले जुवाको खालबाट २ लाख ४२ हजार रुपैयाँ समेत बरामद गरेको छ । नेता प्रधानको घरमा दिनदहाडै तासको खाल बनाएर जुवा खेलाउने गरेको गोप्य सूचनाको आधारमा जिल्ला प्रहरी कार्यालय मोरङ्गबाट गएको प्रहरी निरीक्षकको टोलीलले उनिहरुलाई पक्राउ गरेको प्रहरीले जनाएको छ ।
पक्राउ परेका प्रधान स्थानीय तहको निर्वाचनमा नेकपा एमालेबाट उर्लाबारी ७ मा वडाध्यक्षमा उठेका थिए । पक्राउ परेका जुवाडेलाई म्याद थप गरि अनुसन्धान गर्ने जिल्ला प्रहरी कार्यालय मोरङका प्रहरी प्रवक्ता मन्जिल मुकारुङले जानकारी दिए ।
