काठमाडौं । भायनेटले भाय टीभीसहित मिनी प्याकको नयाँ अफर सार्वजनिक गरेको छ । यो अफरमा अव ग्राहकहरूले ८ सय रुपैयाँमा ७५ एमबीपीएसको इन्टरनेट प्याकेजको मासिक सब्स्क्रिप्सनसँगै निःशुल्क भाय टीभी पनि प्राप्त गर्ने भएका छन् ।
सुपथ मूल्यमा गुणस्तरीय इन्टरनेट सेवा चाहने ग्राहकहरूलाई लक्षित गरी भायनेटले यो मिनी प्याक उपलब्ध गराएको जनाएको छ । यस अफरमार्फत ग्राहकहरूले उच्च–गतिको इन्टरनेटको साथै मनोरञ्जनात्मक च्यानलहरूको लाभ लिन सक्नेछन् । भायटीभीका ग्राहकहरुले १७५ भन्दा धेरै च्यानलहरू, चलचित्र र टेली श्रृंखलाहरू हेर्न सक्नेछ ।
भायनेटले यसअघि मिनी प्याकमा ७५ एमबीपीएस हाई स्पिड इन्टरनेटसहित निःशुल्क एनसेल सिम र ४८ जीबी मोबाइल डाटा उपलब्ध गराएको थियो । ग्राहकले अझै पनि ८०० रुपैयाँ प्रति महिनामा यो अफरको फाइदा लिन सक्ने कम्पनीले जनाएको छ ।
यसबाहेक भाय टिभी को सेट–उप बक्समा ‘पज एन्ड प्ले’को सुविधा रहेको छ । जसमार्फत प्रयोगकर्ताहरूले लाइभ टिभी कार्यक्रमहरू पज गरी पछि हेर्न सक्नेछन् ।
मिनी प्याकका सब्स्क्राइबरहरूले भाय टीभीको सेवा आफ्ना मोबाइल उपकरणहरूमा पनि प्राप्त गर्न सक्नेछन् । प्रयोगकर्ताहरूले गुगल प्लेस्टोर वा एप्पल एप स्टोरमार्फत भायाटीभी एप डाउनलोड गरी आफ्नो उपकरणहरूबाट भायटीभीको सुविधाहरू लिन सक्ने जनाइएको छ ।
थप जानकारीकालागि यहाँ क्लिक गर्नुहाेस्र ।
