रामधुनी । लगातार चार दिनसम्म घटेको शेयर बजार कारोबार हुने हप्ताको अन्तिम दिन भने सामान्य बृद्धि भएको छ । बिहीवार शेयर बजार परिसूचक नेप्से तीन दशमलव २९ अङ्कले बढेर दुई हजार सात सय ७९ दशमलव ९३ विन्दुमा पुगेको हो ।
बिहीवार निर्जीवन बीमा समूहको शेयर सबैभन्दा धेरै एक सय ३२ अङ्कले बढ्दा फाइनान्स, जलविद्युत्, उत्पादन, अन्य समूहको शेयर सामान्य बढेको छ । फाइनान्स समूहको शेयर १४, जलविद्युतको पाँच, उत्पादनको २५ र अन्य समूहको शेयर १७ अङ्कले बढेको छ ।
बिहीवार ६६ लाख ७५ हजार कित्ता शेयर तीन अर्ब ३४ करोड रुपैयाँमा कारोबार भएको छ । सबैभन्दा धेरै नेशनल लाइफ इन्स्योरेन्सको २० करोड रुपैयाँको शेयर किनबेच भएको छ ।
विन नेपाल लघुवित्त र बुद्धभूमि हाइड्रोको शेयर बिहीवार पनि १० प्रतिशतले बृद्धि भएको छ । सप्तकोसी विकास बैंकको शेयर भने चार प्रतिशत भन्दा धेरै घटेको छ ।
