इटहरी । आन्तरिक राजश्व कार्यालय इटहरीले दशौ राष्ट्रिय कर दिवशको अवशरमा उत्कष्ट करदाताहरुलाई सम्मान गरेको छ ।
गत मंसिर १ गते देखि कर सप्ताह मनाउदै आएको आन्तरिक राजस्व कार्यालय इटहरीले सप्ताह समापनका अवसरमा उत्कृष्ट करदाताहरुलाई सम्मान गरेको हो ।
सम्मानित हुनेहरुमा प्रभु फ्युल प्रालि इटहरीका सञ्चालक लिलम बस्नेत ,सुदर्शन सेक्युरिटी सर्भिसेज प्रालिका डम्बरबहादुर तामागं , धरान प्लाष्टिकका रविस सायेवाला र सपोर्ट लघुवित्त वित्तिय संस्था प्रालिकी कल्याणी तिम्सिना रहेका छन् । उनिहरुलाई प्रदेश नम्बर १ का प्रमुख सचिव डा। रामप्रसाद घिमीरेले सम्मान गरेका हुन् ।
कार्यक्रममा कार्यालयका नायव सुब्बा शोभित घिमीरे उत्कृष्ट कर्मचारीका रुपमा पुरस्कृत सम्मानित भए। कर सप्ताह अन्र्तगत आयोजित विभिन्न प्रतियोगिताका विजयीहरुलाई शिल्ड प्रमाण पत्र सहित सम्मान गरिएको थियो ।
कार्यक्रममा आन्तकिर मामिला तथा योजना मन्त्रालयका सचिव सुमन दाहाल, इलाका प्रहरी कार्यालय इटहरीका डीएसपी खगेन्द्रबहादुर खड्का सहित जिल्लाका विभिन्न स्थानका उद्योगी व्यवसायीहरुको सहभागिता रहेको थियो ।
