इटहरी । प्रदेश १ का मुख्यमन्त्री भिम आचार्यले राजीनामा दिएका छन् । आजको प्रदेश सभाको बैठकमा उनले राजीनामाको घोषणा गरेका हुन् ।
आजको बैठकमा मुख्यमन्त्री भिम प्रसाद आचार्यले प्रस्ताव गरेको विस्वासको मतको प्रस्तावमाथि मतदान हुंने कार्यसुचि रहेको थियो । मुख्यमन्त्रीले राजीनामा दिएपछि त्यो प्रकृयामा जान नपरेको सभामुख प्रदीपकुमार भण्डारीले बताए ।
मुख्यमन्त्री राजीनामा बुझाउन प्रदेश प्रमुखको कार्यालयमा जानेछन् । यसपछि प्रदेश प्रमुखले नयाँ सरकार गठनको लागि आब्हान गर्नेछन् ।
उता पाँच दलीय गठबन्धनका सांसदहरूले हस्ताक्षर सङ्कलन सुरु गरेका छन् । गठबन्धनका तर्फबाट सरकारमा दाबी गर्नका लागि दलहरूले हस्ताक्षर सङ्कलन सुरु गरेका हुन् ।
