इटहरी । संखुवासभाको मादी नगरपालिका– १ उमलिङमा एकै परिवारका ६ जनाको विभत्स अबस्थामा सब फेला परेको छ । बौद्धमान कार्कीको परिवारका ६ जनाको शव फेला परेको हो । आँखा देख्न र कान सुन्न नसक्ने ९३ वर्षीय बौद्धमान भने सकुशल छन् ।
स्थानीय र प्रहरी अधिकारीहरुले हत्या भएको आसंका गरिरहेका छन । बौद्धमानका छोरा तेजबहादुर कार्की, श्रीमती पार्वती कार्की, बुहारी कमला कार्की, तेजबहादुरकी बुहारी रञ्जना कार्की र तेजबहादुरका नाती दीपक र नातिनी गोमा कार्की मृत अवस्थामा भेटिएको प्रदेश प्रहरी कार्यालय विराटनगरका प्रवक्ता नविनराज राईले जानकारी दिए ।
घटनाका संवन्धमा संघीय प्रहरी इकाई कार्यालय धरानबाट कुकुर सहितको टोली र जिल्ला प्रहरी कार्यालय संखुवासभाका प्रमुख लालध्वज सुवेदीको नेत्तृवमा विषेश टोली परिचालन गरिएको प्रवक्ता राईले बताए । उनका अनुसार ७ जनाको परिवार रहेकोमा एक जना बृद्ध बौद्धमान भने सकुसल रहेका हुन् ।
