रामधुनी । नेपालको सबैभन्दा ठूलो र अग्रणी सुपर मार्केटको रुपमा परिचित भाट भटेनी सुपर मार्केटले प्रदेश १ को इटहरीमा आफ्नो १९ औं स्टोरको सुभारम्भ गरेको छ ।
शनिबार इटहरीमा एक कार्यक्रमका बिच नेपालकै सबैभन्दा ठूलो भाटभटेनी सुपर मार्केट को १९ औ स्टोर सञ्चालनमा आएको हो ।
इटहरी १७ लबीपुरमा भाटभटेनीका सञ्चालक मीनबहादुर गुरुङले सुपर स्टोरको उद्घाटन गरेसँगै सेवाग्राहीको घुइचो लागेको छ । उद्घाटनका अवसरमा भाटभटेनीले अल्कोहल र निकोटिन ग्रुपका बाहेक सबै सामानको खरिदमा १० प्रतिशत छुट दिएको छ । भने इलेकट्रोनिक सामान खरिदमा २० प्रतिशतसम्म छुटको व्यवस्था गरेको छ ।
३५ कट्ठा जमिनमा भवन निर्माण सुरु गरेको भाटभटेनीले १८ महिना पछि सेवाग्राहीलई सेवा दिन सुरु गरेको भाटभटेनी सुपरमार्केटका व्यवस्थापक विनोद भट्टराईले जानकारी दिए । गतवर्षको पुसदेखि नै सेवा दिने उदेश्यका साथ काम गरिएकोमा कोभिड सङ्क्रमणका कारण ढिला भएको भट्टराईले बताए ।
सुपुर मार्केटको पहिलो तलामा किचनवेयर र बालबालिकाका खेलौनाका राखिएको छ । यसमा ७ वटा काउन्टर रहेका छन् ।
दोस्रो तलामा कपडा, जुत्ता राखिएको छ भने तेस्रो तलामा इलेक्ट्रोनिक आइटम, लगेज, गलैँचा आदि राखिएको छ । त्यस्तै चौथो तलामा हङकङको विश्व प्रसिद्ध मल्टिनेसनल कम्पनी क्यू एन्ड क्यूका फर्निचर रहेका छन् ।
फर्निचरको तलाभन्दा माथि २ वटा मल्टिप्लेक्स सिनेमा हल हुनेछन्। एक हलको दर्शक क्षमता ५ सय हुनेछ।
त्यस्तै, सी ब्लकको भुइँतलामा केएफसी, काठमाडौंको पेपे पिजा र आँगन रेस्टुरेन्ट रहेको छ । यही तलामा बालबालिका खेल्ने ८ हजार वर्गफिटको प्ले ग्राउन्ड पनि बनाइएको छ । यसभन्दा माथि हिमालय जाबा कफीको रेस्टुरेन्ट राखिनेछ ।
हिमालय जाबा कफीभन्दा माथिका तला क बर्गका वाणिज्य बैङ्कका लागि छुट्याइएको छ । यही ब्लकमा बैङ्कका १० वटा एटीएम पनि राखिने भट्टराईले जानकारी दिए ।
इटहरीको भाटभटेनीमा प्यासेजमा हिँड्न अटोवाक राखिएको छ। प्यासेजमा अटोवाक नेपालमै पहिलो पटक इटहरीमा भाटभटेनीले राखेको उनले बताए ।
