इटहरी । सुनसरीमा भोलीबाट एक हप्ता लामो निषेधाज्ञा जारी हुने भएको छ ।
जिल्ला प्रशासन सुनसरीद्धारा बैशाख १७ गते राति १२ बजेवाट जारी हुनेगरी निषेधाज्ञाको निर्णय भएको जिल्ला प्रसासन कार्यालय सुनसरीले जानकारी दिएको छ । कोरोना भाइरसको संक्रमण नियन्त्रण गर्नका लागि सुनसरीका १२ वटै स्थानीय निकायमा निषेधआज्ञा जारी गरिएको प्रमुख जिल्ला अधिकरी उमेशकुमार ढकालले जानकारी दिए ।
विहीबार जिल्ला प्रशासन कार्यालय सुनसरीमा बसेको डिसिसिएमसीको बैठकले सुनसरीलाई सुरक्षित बनाउन २४ वैशाखसम्म निषेधआज्ञा जारी भएको हो । निषेधाज्ञापछि अत्यावश्यक कामबाहेकका सबैलाई घरमै बस्न भनिएको छ । जिल्ला प्रशासन कार्यालयले निषेधाज्ञाको अनुगमन गर्नेछन् ।
स्वास्थ्यकर्मी, स्वास्थ्य सामाग्री बोकेका सवारी, बैंक तथा वित्तीय संस्थाका सवारी तथा कर्मचारी, पत्रकार, खाद्य सामाग्री बोकेका सवारी, खाद्य पसलहरु दूध, पानीका सवारीहरु आवस्यक परिचय पत्रका आधारमा हिड्न पाउने छन् । तर, उनीहरुले पनि स्वास्थ्य सुरक्षा मापदण्ड पूरा गरेको भने हुनुपर्नेछ ।
