इटहरी । धरान–इटहरी सडक खण्ड स्थित सेउती पुल नजिक साउन ५ गते रोहित चौधरीमाथि गोली प्रहार गरी हत्या गरीएको थियो ।
विराटनगर महानगरपालिका–५ का २८ वर्षीय रोहित चौधरीलाई लुटपाट गरी गोलि हानिएको थियो । उनको उपचारको क्रममा बिपी कोइराला स्वास्थ्य बिज्ञान प्रतिष्ठान धरानमा मृत्यु भएको थियो ।
लुटपाट गर्ने उद्देश्यले चौधरीको हत्या भएको प्रहरीको प्रारम्भिक अनुसन्धानबाट पत्ता लागेको छ । गोली प्रहार गरेर रोहितले लगाएको सुनको सिक्री र मोबाइल लुटपाट भएको जिल्ला प्रहरी कार्यालय सुनसरीका डिएसपी राजकुमार राईले जानकारी दिएका छन् ।
लुटपाट गर्ने उद्देश्यका साथ चौधरीको हत्या गरीएको प्रहरीले जानकारी दिएको छ । हत्यामा संलग्न आरोपीलाई प्रहरीले पक्राउ गर्न सकेको छैन । केही शङ्कास्पदलाई नियन्त्रणमा राखेर प्रहरीले सोधपुछ गरिरहेको छ ।
तमोर–धरान हुँदै इटहरी तर्फ झर्दै गरेका रोहितलाई सुटरले सेउती पुल नजिकै गोली हानेर लुटपाट गरीएको थियो । घटनाको अनुसन्धान गर्न सुनसरीबाट डिएसपी राजकुमार राई नेतृत्वको टिमलाई धरान पठाइएको जिल्ला प्रहरी कार्यलय सुनसरीले जानकारी दिएको छ ।
