रामधुनी । चलचित्र ‘महापुरुष’ को पूर्वाञ्चलको प्रोमोशनल टुर सम्पन्न भएको छ । गत २५ गते मंगलवार बिर्तामोडदेखि शुरु भएको प्रोमोशनल टुर बुधबार इटहरी र विराटनगरमा कार्यक्रम गर्दै पूर्वाञ्चलको टुर सम्पन्न भएको हो ।
प्रोमोशनल टुरमा हरिवंश आचार्यसहित फिल्मका कलाकारहरू राजाराम पौडेल, गौरी मल्ल, रविन्द्रसिंह बानियाँ, अरुण क्षेत्री, अञ्जना बराइली, कमेडियन सुमन कार्की र गायिका रचना रिमाल सहभागी रहेका छन् ।
प्रदीप भट्टराई लिखित एवं निर्देशित फिल्म तिहार ‘भाइटीका’को भोलिपल्ट अर्थात कातिक ११ गतेदेखी प्रदर्शनमा आउने भएको छ ।
सामाजिक कथावस्तु र कमेडी जनरामा निर्माण भएको फिल्मको निर्माता म्याक्स दिपेश खत्री हुन् भने कार्यकारी निर्मातामा रविन्द्रसिंह बानियाँ रहेका छन् ।
पूर्वाञ्चलको प्रोमोशनल टुर’ सकिएसँगै अवको यात्रा भने २७ गते हेटौंडा, २८ गते नारायणगढ, २९ गते बुटवल र ३० गते पोखरामा रहने कार्यकारी निर्मातामा रविन्द्रसिंह बानियाँले जानकारी दिए ।
