सुन्दरहरैंचा । सुन्दरपुर खानेपानी संस्थाको अध्यक्षमा राजेन्द्र राई (राजु) निर्वाचित भएका छन् । गएराती सम्पन्न मतपरिणाम अनुसार निकटतम प्रतिस्पर्धी अरुण सुवेदीलाई १४१ मतान्तरले पराजीत गर्दै राई विजयी बनेका हुन् । राईले ४८१ मत प्राप्त गर्दा सुवेदीले ३४० मत प्राप्त गरे । यसैगरी स्वतन्त्र उमेद्वार प्रकाश सिग्देलले १२१ मत प्राप्त गरेका छन् ।
यसैगरी उपाध्यक्षमा लक्ष्मी प्रसाद सिग्देल, सचिवमा शंकर देवान, कोषाध्यक्षमा चिरञ्जिवी रेग्मी, लेखा समिति सदस्यमा पर्शुराम घिमिरे र लेखा समिति सदस्यहरुमा तेज नारायण चौधरी र भोगेन्द्र राई निर्वाचित भए ।
यसैगरी, सदस्यहरुमा गोकु्ल भट्टराई, बलभद्र चौधरी, चम्पा लिम्बु, उर्मिला श्रेष्ठ र मिनाकुमारी तामाङ निर्वाचित भएका छन् । संस्थाको नयाँ कार्यसमितिका लागि मंगलबार निर्वाचन भएको थियो । अध्यक्षमा निर्वाचित भएका राई कांग्रेस निकट मानिन्छन् भने उनको समुहबाट उर्मिला श्रेष्ठ र बलभद्र चौधरी निर्वाचित हुँदा सचिव सहित अन्य पदमा एमाले सहितको गठबन्धनका उमेद्धार विजयी भएका हुन् ।
