मोरङ । मोरङको पथरीशनिश्चरेमा शनिबार ससुराको हत्या गरेर फरार भएका भनिएका ज्वाइँलाई धनकुटाको मुलघाटबाट प्रहरीले पक्राउ गरेको जनाएको छ ।
पक्राउ पर्नेमा २७ वर्षीय रविन राई रहेका छन् । इलाका प्रहरी कार्यालय पथरी र जिल्ला प्रहरी कार्यालय धनकुटाबाट खटिएको संयुक्त टोलीले राईलाई आइतबार पक्राउ गरेको हो ।
पथरीशनिश्चरे नगरपालिका–७ स्थितमा आफ्नै घरभित्र शनिबार बिहान ६० वर्षीय चन्द्रबहादुर तामाङको बीभत्स अवस्थामा शव फेला थियो । प्रहरीले रविनलाई पक्राउ गरेर थप अनुसन्धान सुरु गरेको जनाएको छ ।
