इटहरी । कोशी प्रदेश सरकारमा कांग्रेसबाट तीन मन्त्री र एक राज्यमन्त्रीले आज शपथ ग्रहण गरेका छन् ।
प्रदेशका महामन्त्रीसमेत रहेका खोटाङको प्रदेश क्षेत्र २ बाट निर्वाचित प्रदेश सभा सदस्य भुपेन्द्र राईको नेतृत्वमा कांग्रेस सरकारमा सहभागी भएको हो । उनले भौतिक पूर्वाधार विकास मन्त्रालयको जिम्मेवारी प्राप्त गरेका छन् । यसैगरी खगेनसिंह हाङ्गाम उद्योग कृषि तथा सहकारी मन्त्री र सदानन्द मण्डल पर्यटन, वन, वातावरण मन्त्री बनेका छन् । राज्यमन्त्रीमा भने भूमि प्रसाद राजवंशी भौतिक पूर्वाधार राज्यमन्त्री बनेका छन् ।
कांग्रेसबाट थप एक मन्त्री र एक राज्यमन्त्री केही दिनपछि सरकारमा सहभागी हुने नेताहरुले बताएका छन् ।
