नेकपा माओवादी केन्द्रका अध्यक्ष प्रचण्डले आफ्नो माओवादी केन्द्र पार्टी निर्माणमा जुटेको उल्लेख गरेका छन् । विराटनगर विमानस्थलमा सञ्चारकर्मीसँग प्रचण्डले आफू नेतृत्वको सरकारले भ्रष्टाचार विरोधी अभियान चलाएकै कारण टिक्न नदिइएको जिकिर गरे ।
उनले प्रधानमन्त्री ओलीले असभ्य कार्य गरेको बताए । केही दिनअघि प्रधानमन्त्री ओलीले प्रचण्डको अभिव्यक्ति असभ्य भएको बताएका थिए । उनले भने, ‘उहाँहरुले पार्टी पुनःनिर्माण गर्ने राम्रो अवसर दिनुभयो । पार्टी बनाउनेतिर लाग्छौं । सरकार बनाउनेतिर ध्यान छैन ।’
आफू नेतृत्वको सरकारले भ्रष्टाचार विरोधी अभियान चलाएकै कारण टिक्न नदिइएको जिकिर दाहालले गरे । दाहालले आफूले नेपाललाई बंगलादेश बनाउने भनेर कहिल्यै नभनेको दाबी गरे ।
