सरकारलाई ४८ घण्टाको समय दिँदै केदार कार्कीले गरे अनसन बस्ने उद्घोष

इटहरी । कोशी प्रदेशका पूर्व मुख्यमन्त्री केदार कार्कीले मुख्यमन्त्री हिक्मत कार्कीलाई ४८ घण्टे स्मरण पत्र पठाउँदै अनसन बस्ने उद्घोष गरेका छन् । आफ्नो नेतृत्वको सरकारको पालामा भएका जनहितकारी एवम् समाजवादी कार्यक्रमलाई निर्ममताका साथ कटौती गरिएको भन्दै तिनिहरुको निरन्तरताको मागका साथ कार्कीले अनसन बस्न लागेको बताएका छन् ।

के के छन् केदार कार्कीले माग गरेका कुरा ?
१) दश वर्ष मुनिका बालबालिकाकाका लागि विशिष्टीकृत सेवासहित निःशुल्क उपचार कार्यक्रम ।
२) बजेटमा २५ लाखभन्दा तलका आयोजना नराख्ने नीति ।
३) शैलजा आचार्य हृदयरोग उपचार केन्द्रको सञ्चालन ।
४) महिला स्वास्थ्य स्वयंसेविकालाई प्रोत्साहन भत्ता ।
५) घिउ तथा धुलो दुधको निर्यातमा प्रोत्साहन रकम वितरण कार्यक्रम ।
६) सुनसरी–मोरङ केसलिया करिडोरको विकास कार्यक्रम ।
७) कृषि र प्राविधिक शिक्षाका विद्यार्थीलाई छात्रवृत्ति ।
८) डाक्टर, इन्जिनियर लगायत बिभिन्न विधाका विद्यार्थीलाई छात्रवृत्ति ।
९) जनावरमैत्री जंगल ।

कार्की मुख्यमन्त्री रहँदा कोशी प्रदेशका १० वर्ष भन्दा मूनिका वालबालिकाको निःशुल्क उपचारको व्यवस्था गराएका थिए । स्वास्थ्य क्षेत्रमा उल्लेख्य काम गरेका कार्कीले विराटनगरमा काठमाण्डौ वाहिरकै पहिलो हृदयरोग उपचार केन्द्र स्थापनाका साथै महिला स्वास्थ्य स्वयंसेविकाहरुलाई विषेश सुविधको व्यवस्था गराएका थिए । यस्तै इटहरीमा आगलागिबाट जलन भएकाहरुलाई विषेश सुविधासहितको जलन अस्पताल निर्माणका लागि सम्झौता समेत गराइसकेका थिए ।

केशलिया कोरिडोर निर्माण, विपन्नलाई उच्च शिक्षाका लागि छात्रबृत्रि, जनावरमैत्री जंगल अभियान, सुकुम्बासीलाई जग्गा खरिदमा व्याज अनुदान लगायतका महत्वकांक्षी योजनालाई अघि सारेका थिए । तर वर्तमान सरकारले यस्ता जनमुखी कार्यक्रम काटेको भन्दै कार्की प्रतिवादमा उत्रिएका हुन् । उनले गत भदौ १४ गते बसेको प्रदेशसभाको बैठकमा विषय समय लिएर बोल्दै नेतृत्वले गरेको अपराधको भागिदार आफूहरु हुन नसक्ने बताएका थिए ।

उनले आफ्नो पालामा ल्याएका लोकप्रिय कार्यक्रमहरुको कार्यान्वयन नगरिए अनसन बस्ने सम्मको चेतावनी दिएका थिए । उनले त्यसवेला भनेका थिए, ‘मुख्यमन्त्रीसंग भेट त्यो दोबाटोमा पनि हुन सक्छ ।’ उनले मुख्यमन्त्रीले बजेट सच्याउने प्रतिवद्धता सर्वदलिय बैठकमा समेत गरेकाले अझै पनि सरकार सुनेको नसुन्यै भएको भएकाले अनसन बस्न लागेको कार्कीले उल्लेख गरेका छन् । ‘मैले यसका विरूद्धमा प्रदेश सभामा पटक–पटक आवाज उठाएको छु । साथै विज्ञप्ति, वक्तव्य र अन्य माध्यमबाट पनि उपरोक्त कार्यक्रमलाई पुनः सञ्चालन गरिनुपर्छ भन्दै दबाब दिइरहेको छु । म प्रदेश सरकारले उपरोक्त कार्यक्रमलाई पुनःसञ्चालन गर्न ४८ घण्टाभित्र निर्णय गरोस् भनी यसै स्मरणपत्रमार्फत अल्टिमेटमका साथ आग्रह गर्दछु ।’

के छ मुख्यमन्त्रीलाई स्मरण गराएको पत्रमा

CM smhttps://falaichanews.com/wp-content/uploads/2024/09/CM-smaran.pdf