इलाम : इलामकाे सूर्योदय नगरपालिका १२ मलिमस्थित अटो दुर्घटना हुँदा एकजनाको मृत्यु भएको छ भने तीनजना घाइते भएका छन् ।
तीनघरेबाट मलिमतर्फ जाँदै गरेको गरेको अटो अनियन्त्रित भइ सडकबाट अन्दाजी १५० मिटर तल खसेर दुर्घटना हुँदा चारजना घाइते भएका थिए ।
अटो चालक स्थानीय २२ वर्षीय अनिष राई, ५६ वर्षीया मनकुमारी प्रधान, ४४ वर्षीया कला प्रधान र ४८ वर्षीया कमला प्रधान घाइते भएका थिए ।
दुर्घटनामा घाइते भएकी मनकुमारी प्रधानको उपचारको क्रममा बिर्तासिटी अस्पताल झापामा मृत्यु भएको प्रहरीले जनाएको छ ।
यसैगरी अन्य घाइतेहरूको फिक्कल अस्पताल इलाममा उपचार भइरहेको जिल्ला प्रहरी कार्यालय इलामले जनाएको छ ।
घटना सम्बन्धमा थप अनुसन्धान भइरहेको प्रहरीको भनाइ छ ।
