सिन्धुली । सिन्धुलीमा गाँजासहित प्रहरीले दुई जनालाई पक्राउ गरेको छ ।
पक्राउ पर्नेमा हिरहरपुरगढी ८ का ३३ वर्षीय देवकुमार स्याङ्तान र हरिवन नगरपालिका २ सर्लाहीका २३ वर्षीय प्रल्हादकुमार थोकर रहेका छन् ।
जिल्लाको हरिहरपुरगढी गाउँपालिका ७ भुताहास्थित क्यानखोलाबाट ७६ किलो गाँजा, मोटसाइकलसहित उनीहरुलाई पक्राउ गरिइएको जिल्ला प्रहरी कार्यालय सिन्धुलीले जनाएको छ ।
बोरामा प्याक गरेर मोटरसाइकलमा निकासी गर्न लागेका उनिहरुलाई प्रहरीले गाँजा नियन्त्रणमा लिनेक्रममा तस्करले ढुंगामुडा गरेका थिए । स्थितिलाई नियन्त्रणमा लिन प्रहरीले हवाई फायर गरेको थियो । विशेष सूचनाको आधारमा गाँजा कारोबारीलाई पक्राउ गरिएको सिन्धुली प्रहरीले जनाएको छ ।
