विराटनगर । नेपाली कांग्रेस कोशी प्रदेश संसदीय दलको उपनेतामा हिमाल कार्की नियुक्त भएका छन् । संसदीय दलका नेता उद्धव थापाले कार्कीलाई उपनेता नियुक्त गरेका हुन् ।
नेपाली कांग्रेसका उदयपुरका जिल्ला सभापति समेत रहेका कार्की राजेन्द्र राई नेतृत्वको सरकारमा भौतिक पूर्वाधार विकास मन्त्री भएका थिए ।
उनी उदयपुरको प्रदेशसभा निर्वाचन क्षेत्र नम्बर १ (२) बाट निर्वाचित भएका हुन् ।
